مخيم قادة المستقبل لتوعية الأطفال وتثقيفهم

مخيم قادة المستقبل لتوعية الأطفال وتثقيفهم

برعاية #جمعية_معاً تم الانتهاء من #مخيم_قادة_المستقبل الثاني

لأنو أطفالنا بحاجة أنن يفرغوا ألم العنف يلي موجود جواتن

لأنن بحاجة أنهم يتعلموا شغلات جديدة وحديثة ويظهروا ابداعتن فيها

لانن بحاجة انهم يلعبوا ..بحاجة لقيم وسلوكيات تقوي علاقتهم بدينهم الحنيف

كان مخيمنا ...قادة المستقبل الثاني ..

بهالمخيم كنا أسرة وحدة ..أخوة ..قيم عالية جدا..تعلمنا مين نحن ..وشوي يعني كلمة (أنا) وشو يعني كلمة (الآخر)..تعلمنا من المدربين كيف نحدد هدفنا ..وكيف نخطط الو ..ارتبطنا من خلال تدريبات وجلسات نقاش كيف نحترم أهلنا ونأدي واجبنا اتجاهن ..لأنو رضاهن من رضى الله عز وجل ..

كنا ايد وحدة ..بالتمارين ..وبالصلوات ..وحتى بتحضير الطعام وهيك بلشنا نتعلم المسؤولية يلي نحنا بحاجة الها ببلاد الغربة..

حكينا عن افكارنا ..وكيف ممكن نندمج بالمجتمع الجديد يلي عايشين فيه لنفرجي للناس كلها أنو الطفل السوري انسان مميز قادر يحط بصمته الايجابية وين ماكان..

لعبنا ..طلعنا ع الطبيعة واكتشفنا شغلات حلوة فيها ..

نحنا الاطفال السوريين من مخيم قادة المستقبل الثاني منشكر كل يلي عم بيساعدونا لنحقق ذاتنا ونثبت وجودنا ..ومندعي الكل انهم يكونوا معنا ..

..قادة المستقبل ..حكاية وطن